n8n: avtomatlashtirish platformasi. Unda “shu bo‘lsa, buni qil” zanjirlarini bloklarni ulab yig‘asiz, kod yozish shart emas. O‘z kompyuteringizga bepul o‘rnatiladi.
Bugun yig‘adigan zanjirimiz uch qismdan iborat:
| Blok | Vazifasi |
|---|---|
| Telegram Trigger | botga kelgan yangi xabarni qabul qiladi |
| AI Agent | xabarni toifalaydi va javob tayyorlaydi |
| Google Sheets | murojaatni jadvalga yozadi |
1. O‘rnating
Kompyuterda Node.js (20.19 dan 24 gacha versiya) o‘rnatilgan bo‘lsa, terminalda bitta buyruq yetarli:
npx n8n
Ishga tushgach, brauzerda http://localhost:5678 manzilini oching va akkaunt yarating.
2. Ulang
Telegram’da @BotFather’ga yozing, /newbot buyrug‘i bilan bot yarating va u bergan tokenni nusxalang. n8n’da Telegram Trigger blokini qo‘shib, shu tokenni kiriting.
Token parol bilan teng. Uni hech kimga bermang va ochiq joyga joylamang.
3. Yig‘ing
- Telegram Trigger: botga yangi xabar kelganda zanjirni ishga tushiradi.
- AI Agent: xabarni o‘qiydi, toifalaydi (savol, shikoyat yoki taklif) va javob tayyorlaydi. Unga til modeli ulanadi (masalan, Gemini yoki OpenAI); buning uchun provayderdan API kalit olinadi, ba’zilarida bepul limit bor.
- Google Sheets: har bir murojaatni jadvalga yozadi: sana, foydalanuvchi, toifa, matn, javob.
- Oxiriga Telegram blokini qo‘shib, AI javobini foydalanuvchiga qaytaring.
AI Agent uchun yo‘riqnoma namunasi:
Sen tashkilotning Telegram yordamchisisan.
Har bir xabarni toifala: savol, shikoyat yoki taklif.
Qisqa va xushmuomala javob yoz (3 gapdan oshmasin).
Bilmagan narsangni o'ylab topma: "mutaxassisga yo'naltiraman" de.
4. Ishga tushiring
Zanjirni faollashtiring. Endi bot murojaatni qabul qiladi, jadvalga yozadi va javob beradi.
Kun-u tun ishlashi uchun
npx n8nkompyuteringiz yoqiq turgandagina ishlaydi. Bot 24/7 ishlashi uchun n8n’ni doimiy yoqiq serverga (VPS) o‘rnating.- Telegram Trigger webhook orqali ishlaydi va Telegram faqat ochiq HTTPS manzilni qabul qiladi (
localhostishlamaydi). Serverda bu odatiy holat. O‘z kompyuteringizda sinash uchun tunnel oching (masalan, Cloudflare Tunnel yoki ngrok) va n8n’ga shu manzilni ayting:
WEBHOOK_URL=https://sizning-tunnel-manzilingiz npx n8n
- Jadvalga shaxsiy ma’lumot yozilsa, unga kirish huquqini cheklang.